იტალიის უმსხვილესი ბანკი "უნიკრედიტი", ფინანსური გაჯანსაღების მიზნით, მომავალი ორი წლის მანძილზე აქციების გაყიდვით, 13 მილიარდი ევროს მოზიდვას და 14 ათასი ადამიანის შემცირებას გეგმავს, რაც ბანკში დასაქმებული მუშახელის 11 პროცენტია.

აქციების გამოშვებით სახსრების მოზიდვას ბანკი მომავალი წლის პირველ კვარტალში გეგმავს და იგი იტალიის ისტორიაში უმსხვილესი იქნება.

ბანკი 18 მილიარდი ევროს მოცულობის უიმედო სასესხო პორტფელის ჩამოწერას და თავისი ფილიალების მეოთხედის დახურვასაც აპირებს.

უნიკრედიტი ერთადერთი იტალიური ბანკია, რომელიც გლობალურ დონეზე ფინანსური სტაბილურობისთვის მნიშვნელოვან ბანკად ითვლება.