2016 წლის იანვრიდან ნოემბრის ჩათვლით, "ეფლმა" ინტერნეტ-რეკლამაზე 97 მილიონი დოლარი დახარჯა. მისმა ერთ-ერთმა მთავარმა კონკურენტმა „სამსუნგმა“ კი 80 მილიონი დოლარი.

„ბიზნეს ინსაიდერის“ ინფორმაციით, ამ მონაცემებში არ შედის „სამსუნგის“ მიერ ისეთი პროდუქტების რეკლამირებაში თანხის დახარჯვა, რომელსაც "ეფლი" არ აწარმოებს,

მათ შორის ტელევიზორების, მაცივრების, სარეცხი მანქანების. გამოცემის მონაცემებით, წლიურ მაჩვენებელში ეფლმა სარეკლამო დანახარჯები 16%-ით შეამცირა მაშინ, როცა „სამსუნგმა“ 49%-ით გაზარდა. ყველაზე დიდი თანხა - 22 მილიონი დოლარი ინტერნეტ რეკლამაში "ეფლმა" ოქტომბერში დახარჯა, როდესაც ახალი "მაკბუკ პროს"გამოსვლა დააანონსა.