ეროვნული ბანკის შესახებ კანონში შესატან ცვლილებებს დეპუტატები დღეს იურიდიულ საკითხთა კომიტეტის სხდომაზე პირველი მოსმენით განიხილავენ.

ცვლილებები მიზნად აღნიშნული კანონის კონსტიტუციასთან შესაბამისობაში მოყვანას ისახავს.

მოქმედი ნორმის მიხედვით, პრეზიდენტს ეროვნული ბანკის ვიცეპრეზიდენტის დანიშვნის უფლება აქვს, თუმცა აღნიშნული უფლებამოსილება კონსტიტუციით გათვალისწინებული არ არის.

პრეზიდენტის ადმინისტრაციაში განმარტავენ, რომ ცვლილებები ეროვნულ ბანკთან და პარლამენტთან კონსულტაციის შედეგად შემუშავდა.