სავარაუდოდ, ხმაურის ფონზე ჩაივლის პარლამენტში ხვალისთვის დაგეგმილი სხდომა.

2017 წლის ბიუჯეტის საბოლოო ვარიანტი ხვალ უმრავლესობის და უმცირესობის ფორმატში უნდა განიხილონ.

11-ნახევარი მილიარდით განსაზღვრულ მთავარ ფინანსურ დოკუმენტს ოპოზიცია მხარს არ უჭერს. ,,ნაციონალური მოძრაობა” ბიუჯეტის არსებულ პროექტში ხარჯების შემცირებას ითხოვს.

პროტესტი გრძელდება მთავრობის ახალი ეკონომიკური გეგმის გარშემოც, რომლის ერთი პუნქტი გარკვეულ პროდუქტებზე აქციზის გადასახადის მატებას ეხება.

დოკუმენტს პლენარულ სხდომაზე ხუთშაბათს გაიტანენ.