კოლუმბიის პრეზიდენტს მშვიდობის დარგში ნობელი პრემია გადასცეს. ხუან მანუელ სანტოსმა პრემია 2016 წელს კოლუმბიის მემარცხენე დაჯგუფებასთან მშვიდობიანი შეთანხმების გამო მიიღო, რითიც ქვეყანაში სამოქალაქო ომი დაასრულა.
მიუხედავად იმისა, რომ დაჯგუფებასთან შეთანხმებას კოლუმბიელებმა უარი რეფერენდუმის შედეგებით უთხრეს, იგი მაინც შესრულდა.
დაძაბულობა ქვეყანაში ბოლო 52 წელია გრძელდებოდა, რომელმაც 200 ათას ადამიანზე მეტი სიცოცხლე იმსხვერპლა.
კონფლიქტის გადაჭრაში განსაკუთრებული წვლილისთვის კი პრემია პრეზიდენტს დღეს ოსლოში მიანიჭეს. მას ოქროს მედალი, საპატიო სიგელი და 8 მილიონი კრონის ოდენობის თანხა გადასცეს.
დღესვე სტოკჰოლმში გაიმართება სხვა ლაურეატების დაჯილდოების ცერემონიალი, უკვე ცნობილია, რომ ლიტერატურის დარგში გამარჯვებული მომღერალი ბობ დილანი მას არ დაესწრება, მისი თხოვნით, პრიზს მომღერალი პეტი სმიტი აიღებს.