მიმდინარე წლის მესამე კვარტალში, ქვეყანაში შემოსული პირდაპირი უხოური ინვესტიციების მოცულობა, წინა წლის იგივე პერიოდთან შედარებით, 4 %-ითაა შემცირებული.
საქსტატის წინასწარი მონაცემებით, მიმდინარე წლის მესამე კვარტალში, საქართველოში განხორციელებული პირდაპირი უცხოური ინვესტიციების მოცულობამ 463 მილიონი დოლარი შეადგინა, 2015 წელს კი ეს მაჩვენებელი 483 მილიონი იყო.
ცხრა თვის მონაცემებით კი, ინვესტიციების ზრდა ფიქსირდება - ამ პერიოდში განხორციელებულმა პირდაპირმა უცხოურმა ინვესტიციებმა მილიარდ 298 მილიონი დოლარი შეადგინა, რაც წინა წლის შესაბამისი პერიოდის დაზუსტებულ მაჩვენებელს 5 პროცენტით აღემატება.
2016 წლის მესამე კვარტლის მონაცემებით, უმსხვილესი ინვესტორი ქვეყნების სამეულს აზერბაიჯანი, თურქეთი და ლუქსემბურგი შეადგენენ.