“საერთაშორისო გამჭვირვალობა - საქართველო” კორუფციის წინააღმდეგ ბრძოლის საერთაშორისო დღესთან დაკავშირებით შეფასებებს აკეთებს.
არასამთავრობო ორგანიზაციაში ამბობენ, რომ 2004 წლიდან დღემდე გატარებული რეფორმების შედეგად, საქართველომ კორუფციის აღმოფხვრაში მნიშვნელოვან წარმატებას მიაღწია, ქვეყანაში შემცირდა წვრილმანი კორუფცია და მექრთამეობა - საჯარო სერვისების სფეროში. თუმცა გამოწვევები ისევ რჩება.
"საერთაშორისო გამჭვირვალობის" შეფასებით, ანტიკორუფციული კანონმდებლობის გაუმჯობესების მიუხედავად პრობლემად რჩება მისი ეფექტური აღსრულება.
ორგანიზაციაში ასევე ამბობენ, რომ სამართალდამცავი უწყებების დამოუკიდებლობის ნაკლებობა ამცირებს მათ უნარს ეფექტურად გამოიძიონ მაღალი დონის კორუფციის შესაძლო შემთხვევები.
“საერთაშორისო გამჭვირვალობა” მთავრობას რეკომენდაციებს აძლევს.