ბრიტანეთში მოქმედი წამყვანი ბანკების ნაწილი ოპერაციების ლონდონიდან პარიზში გადატანას გეგმავს.

ამის შესახებ "ბი-ბი-სი"-ს საფრანგეთის საბანკო სექტორის მარეგულირებელი ორგანოს ხელმძღვანელმა განუცხადა.

მისი თქმით, მსხვილმა საერთაშორისო ბანკებმა უკვე დაიწყეს ძვირადღირებული მოკვლევა საფრანგეთის დედაქალაქში ფილიალების დაარსების მიზნით.

გარდა ამისა, ბევრი სხვა კომპანია, უკვე არაფორმალურად აწარმოებს მოლაპარკებებს ე.წ. ბრექსიტის შემდეგ ბიზნესის გადატანის თაობაზე. მარეგულირებლის აზრით, იგივე მოლაპარაკებები დიდი ალბათობით ევროპის სხვა ფინანსურ ცენტრებთანაც იმართება.

როგორც მედიამ გაარკვია, ლონდონიდან ფინანსური ინსტიტუტების მოსაზიდად ერთმანეთში ევროპის რვა ქალაქი ეჯიბრება.