პარლამენტში მინისტრების მისვლას წინ პრემიერის სპეციალური განცხადება და ოპონენტების კრიტიკა უძღოდა.

ოპოზიციის ნაწილი მთავრობის ახალ ეკონომიკურ გეგმას ნეგატიურად აფასებს და დაანონსებული ცვლილებების შემდეგ, ეკონომიკურ კრიზისს პროგნოზირებს.

შეფასებების დროს განსაკუთრებით მწვავეა გიორგი ვაშაძე, რომელიც გიორგი კვირიკაშვილის განმარტების მიუხედავად, დღესაც იმეორებს, რომ მოსალოდნელი ცვლილებების გარშემო მთავრობის ეკონომიკურ გუნდშიც ვერ თანხმდებიან. თუმცა საწინააღმდეგოს ამტკიცებს პრემიერმინისტრი, რომელიც 2017 წლიდან ასამოქმედებელი ინიციატივების ავტორად, მთელ სამთავრობო გუნდს ასახელებს.

დაპირისპირების შესახებ გავრცელებულ ინფორმაციას კატეგორიულად უარყოფენ მინისტრთა კაბინეტსა და საპარლამენტო უმრავლესობაშიც.