საქართველოს მხარდამჭერი განცხადებები და კრემლის პოლიტიკის ღია კრიტიკა გაერო-ში.
უშიშროების საბჭოს ბოლო სხდომაზე, რუსეთი ოკუპირებულ აფხაზეთთან ხელმოწერილი ე.წ. შეთანხმების გამო მწვავედ გააკრიტიკეს.
საქართველოს ანექსიისკენ გადადგმული ქმედება - ასე შეფასდა ერთობლივი სამხედრო დაჯგუფების ფორმირების შესახებ ე.წ. დოკუმენტი უკრაინის წარმომადგენლის მხრიდან, რომლის ინიციატივით სხდომაზე ჩვენი ქვეყნის ოკუპირებული რეგიონების საკითხი განიხილეს.
როგორც მოსალოდნელი იყო, რუსეთმა ვეტოს უფლება გამოიყენა და უკრაინული მხარის მიერ, საქართველოს ოკუპაციის წინააღმდეგ მომზადებული განცხადება ჩააგდო.
გაერო-ში გამართულ სხდომას ოფიციალური თბილისი ქართული დიპლომატიის აქტიურობას უკავშირებს, თუმცა ოპოზიციას საგარეო უწყების მიმართ მაინც პრეტენზიები აქვს.