დღეს ქუთაისში აკაკი წერეთლის სახელობის სახელმწიფო უნივერსიტეტში საჯარო დისკუსია გაიმართა თემაზე - საქარველოს ევროპული გზა.

დისკუსიის მიზანი საქართველოში პროფესიული განათლებისა და ტრენინგის საჭიროების შესახებ ცნობიერების გაზრდაა. დისკუსია ევროკავშირის თანადაფინანსებით მიმდინარე პროექტის ფარგლებში - "მცირე და საშუალო მეწარმეობის განვითარება საქართველოში" ჩატარდა.

ღონისძიების ორგანიზატორები განათლებისა და მეცნიერების სამინისტრო, საქართველოს მეწარმეობის განვითარების სააგენტო და საქართველოს სავაჭრო სამრეწველო პალატაა.