საკალათბურთო კლუბი "დინამო თბილისი" სუპერლიგის მიმდინარე სეზონში კვლავ დაუმარცხებელია.

ირაკლი ხოშტარიას გუნდმა დღეს ეროვნული ჩემპიონატის მერვე ტურში ბათუმის "დინამო" ანგარიშით 97-90 დაამარცხა.

ბოლო მეოთხედის წინ, მასპინძლები ცხრა ქულის სხვაობით იგებდნენ და დარჩენილ დროში შესძლეს თამაშის თავის სასარგებლოდ დასრულება.

გამარჯვებულთა რიგებში, ბრწყინვალე მატჩი ჩაატარა დეონტა ვონმა. ამერიკელმა ლეგიონერმა 37 ქულა გააკეთა და ორივე გუნდის შემადგენლობაში საუკეთესო იყო.

ბათუმელთა შორის, 25 ქულით ილია შემოსიუკი გამოირჩა.

დღევანდელი წარმატების შემდეგ "დინამო -თბილისს" რვიდან რვა მოგება აქვს და სუპერლიგას ერთპიროვნულად ლიდერობს.