ავსტრიის საპრეზიდენტო არჩევნებში ,,მწვანეთა პარტიის’’ ყოფილმა ლიდერმა, დამოუკიდებელმა კანდიდატმა ალექსანდრ ვან დერ ბელენმა გაიმარჯვა, რომელმაც წინასწარი შედეგების მიხედვით, ხმათა 53,6 პროცენტი მიიღო. მისმა კონკურენტმა ,,თავისუფლების პარტიიდან’’ ჰორბერტ ჰოფერმა დამარცხება უკვე აღიარა.

გუშინ, ქვეყნის მასშტაბით ჩატარებული ხმის მიცემის პროცედურა განმეორებითი არჩევნები იყო.

საპრეზიდენტო არჩევნები ავსტრიაში აპრილში, განმეორებითი ტური კი მაისში გაიმართა, თუმცა გამოვლენილი შეცდომების გამო, სასამართლომ არჩევნების შედეგების ანულირება განახორციელა და განმეორებითი არჩევნები დანიშნა.