რეჟისორ ნანა ექვთიმიშვილის ფილმი „ჩემი ბედნიერი ოჯახი“ სანდენსის კინოფესტივალის მთავარ საკონკურსო პროგრამაში მოხვდა.
ფილმის მსოფლიო პრემიერა ამერიკაში იანვარში შედგება. „გრძელი ნათელი დღეების" შემდეგ, რომელიც ასზე მეტ კინოფეტივალზე აჩვენეს და 2013 წლის ყველაზე წარმატებულ საფესტივალო ფილმად დასახელდა, მოგზაურობას ახლა ნანა ექვთიმიშვილისა და სიმონ გროსის მეორე ერთობლივი ფილმი იწყებს .
„ჩემი ბედნიერი ოჯახი” თბილისური მრავალრიცხოვანი ოჯახის შესახებ გვიამბობს, რომელიც ერთ ჭერქვეშ ცხოვრობს.
რეჟისორ ნანა ექვთიმიშვილის სცენარის მიხედვით შექმნილი ფილმის თბილისური პრემიერა 2017 წელს შედგება, მანმადე კი კინონამუშევარს ამერიკასა და ევროპაში ნახავენ.
ფილმი საქართველოს, გერმანიისა და საფრანგეთის კინოპროდუქციაა.