იტალიის რეფერენდუმის შედეგად, ევრო ბოლო 20 თვის განმავლობაში ყველაზე დაბალ მაჩვენებელზე დავარდა.

როგორც ცნობილია, იტალიის რეფერენდუმმა მხარი არ დაუჭირა პრემიერმინისტრის მატეო რენცის საკონსტიტუციო რეფორმის გეგმას. ევრომ ვარდნა რენცის გადადგომის განცხადების შემდეგაც განაგრძო და ერთმა ევრომ 1 დოლარი და 5 ცენტი შეადგინა, რაც ყველაზე დაბალი მაჩვენებელია 2015 წლის მარტის შემდეგ.

ანალიტიკოსები შიშობენ, რომ იტალიის ისედაც დასუსტებულ ეკონომიკას, პოლიტიკური გაურკვევლობა კიდევ უფრო დაამძიმებს. განსაკუთრებით რთულ ვითარებაში ბანკები იმყოფებიან. ანალიტიკოსების შეშფოთებას იტალიის სამთავრობო ვალის მოცულობაც იწვევს, რომელიც ევოზონაში ერთ-ერთი ყველაზე მაღალია.