მომავალი წლის ბიუჯეტს საპარლამენტო ოპოზიციის მხარდაჭერა წელსაც არ ექნება. არსებული პროექტით ,,ნაციონალური მოძრაობა” ლარის კურსის კიდევ უფრო გაუფასურებას პროგნოზირებს და ადმინისტრაციული ხარჯების შემცირებას ითხოვს. ცალკეული უწყებების დაფინანსებასთან დაკავშირებით შენიშვნები აქვთ საქართველოს პატრიოტებსაც, სადაც ჯერ ისევ არ აქვთ გადაწყვეტილი, დაუჭერენ თუ არა მხარს ქვეყნის მთავარი ფინანსურ დოკუმენტს.
კრიტიკის ფონზე საპარლამენტო უმცირესობა მმართველი პარტიიდან შეთავაზებას იღებს.
ბიუჯეტის პროექტის სხდომაზე გატანამდე ,,ქართული ოცნება” ოპონენტებს ფრაქციების ფორმატში კონსულტაციებს სთავაზობს. 11 ნახევარი მილიარდი ლარით განსაზღვრული დოკუმენტი ეკონომიკური ზრდის ოთხიან მაჩვენებელზეა გათვლილი და ლარის კურსის ორნახევრიან ნიშნულზეა დაგეგმილი.
ამჯერად პრიორიტეტული სფეროები ჯანდაცვა, განათლება და ინფრასტრუქტურაა.