„ეს გახლავთ ძალიან მნიშვნელოვანი არა მარტო ჩემთვის, ეს იყო ინფორმაციის გაცვლა-გამოცვლა და ბევრი რამ მივიღე. მე ვფიქრობ, რომ ჩვენი ქვეყნისთვის იქნება ეს ძალიან მნიშვნელოვანი ვიზიტი იმიტომ რომ, მოგეხსენებათ ეკლესია არ არის რაღაც ერის გარეთ მყოფი ინსტიტუტი. ეს არის ერში, ეს არის ცოცხალი ორგანიზმი და მას აინტერესებს ერის მიერ არჩეული კურსი და გეზი. მოგეხსენებათ, რომ საქართველოს მოსახლეობამ მრავალი წელია უკვე გადაწყვიტა, რომ გახდეს ევროპული ოჯახის წევრი. შესაბამისად, ეკლესიაც დაინტერესებულია რას გვთავაზობს ჩვენ ევროპა და ევროპასაც აინტერესებს სხვათა შორის ჩვენი, ანუ კონკრეტულად ამ შემთხვევაში ეკლესიის აზრი.“- განაცხადა საქართველოს საპატრიარქოს საგარეო საქმეთა განყოფილების თავმჯდომარის მოადგილემ დეკანოზმა კახაბერ გოგოტიშვილმა 7-11 ნოემბერს საქართველოს საპატრიარქოს ოფიციალური დელეგაციის ქ. ბრიუსელში ვიზიტის შესახებ საუბრისას ტელეკომპანიის "TV პირველი" გადაცემაში "დიანა ტრაპაიძის შეკითხვის დრო".