ზაზა ფაჩულიას "გოლდენ სტეიტმა" მე-5 წინასასეზონო, საგამოფენო მატჩი "ლოს ანჯელეს ლეიკერსის" წინააღმდეგ გამართა და 112:107 დაამარცხა.

"დიდი ზაზა" დღითიდღე უმატებს. "ლოს ანჯელეს ლეიკერსთან" ქართველი ცენტრი საუკეთესო გახლდათ, ამასთანავე აღსანიშნავია რომ მეტოქე გუნდის რუს ცენტრ ტიმოფეი მოზგოვს ყველა ბრძოლა მოუგო.

ფაჩულიამ მოედანზე 21 წუთით ითამაშა, 11 ქულით, 8 მოხსნით, 3 პასითა და 1 ჩაჭრით დაგვამახსოვრა თავი და კიდევ ერთხელ დაამტკიცა რომ ძირითადი ხუთეულის ღირსია.

მომდევნო საგამოფენო მატჩს "გოლდენ სტეიტი" ისევ "ლეიკერსთან" 20 ოქტომბერს გამართავს.

#სპორტი