ეუთოს საპარლამენტო ასამბლეის წინასაარჩევნო სადამკვირვებლო მისიის წევრები საქართველოს პრეზიდენტს შეხვდნენ. პრეზიდენტის ადმინისტრაციის ცნობით, შეხვედრაზე მხარეებმა 2016 წლის საპარლამენტო არჩევნებზე, წინასაარჩევნო გარემოსა და არჩევნებისთვის მზადების პროცესზე ისაუბრეს.

დღესვე, ეუთოს დელეგაციის წევრები ცენტრალურ საარჩევნო კომისიის ხელმძღვანელობას შეხვდნენ. როგორც ცესკოს თავმჯდომარემ შეხვედრის დასრულების შემდეგ განუცხადა, მან დელეგაციის წევრებს არჩევნებისთვის მზადების პროცესის შესახებ ინფორმაცია მიაწოდა. ჟვანიას თქმით, ადმინისტრაცია მზად არის სამართლიანი, სანდო, გამჭვირვალე არჩევნების საერთაშორისო სტანდარტების შესაბამისად ჩასატარებლად.