თელავში, ყოფილი პრემიერმინისტრის ბიძინა ივანიშვილის ვიზიტის პარალელურად ლეიბორისტული პარტიის კახეთის რეგიონულმა წარმომადგენლებმა თელავის თეატრთან საპროტექტო აქცია გამართეს. აქციის მონაწილეების თქმით, ისინი ბიძინა ივანიშვილის არაფორმალურ მმართველობასა და ყურძენზე დაწესებულ ფასს- 80 თეთრს აპროტესტებდნენ. აქციის მიმდინარეობის დროს ქართული ოცნების კახეთის რეგიონულმა წარმომადგენლებმა პროტესტის მონაწილეებს ტერიტორიის დატოვება მოსთხოვეს.ყოფილი პრემიერმინისტრი ბიძინა ივანიშვილი თელავის თეატრის შენობაში კახეთში მომუშავე ჟურნალისტებს შეხვდა.