პირველი ნომერი პაატა ბურჭულაძე, მე-2 გიორგი ვაშაძე, მე-10 მამუკა კაციტაძე, ხოლო მე-12 ზურაბ ჯაფარიძე - ასეთია ბლოკის სახელმწიფო ხალხისთვის პირველი საარჩევნო სია. პაატა ბურჭულაძემ სიის 12 წევრი დღეს წარადგინა. ათეულში არიან დავით ჯანდიერი, ვახტანგ მეგრელიშვილი, ირაკლი ყიფიანი, იაგო ხვიჩია, დავით კიზირია, გიორგი მელაძე და მელორ ტყეშელაშვილი. ზურა ძაფარიძის გარდა, ათეულს მიღმაა გიორგი პაპავა.
მოძრაობა სახელმწიფო ხალხისთვის და საარჩევნო ბლოკი - ვაშაძე-ჯაფარიძე - ახალი არჩევანი 18 აგვისტოს გაერთიანდნენ. გაერთიანებას სახელი და ლოგო პაატა ბურჭულაძის პარტიისაა. „პლატფორმა პაატა ბურჭულაძე-სახელმწიფო ხალხისთვის“. ბურჭულაძის თქმით, მათი კარი ყველა პროდასავლური პოლიტიკური პარტიისთვის ღიაა.