„თქვენ განახორციელეთ ჩვენი ქვეყნის გზამკვლევის ფუნქცია ამ საპასუხისმგებლო მისიებში. ჩვენთვის საერთაშორისო მისიები არ არის მხოლოდ სამხედრო დატვირთვის მატარებელი. ამ მისიებს უდიდესი მნიშვნელობა აქვს ჩვენი ქვეყნის დემოკრატიის განვითარებისთვის, რადგან მასში მონაწილეობით არა მხოლოდ უსაფრთხოებას უზრუნველვყოფთ მსოფლიოში, არამედ ჩვენ პარტნიორებთან ერთად ხელს ვუწყობთ დემოკრატიის განვითარებას მსოფლიოს დიდ ნაწილში“ - ამ სიტყვებით მიმართა საქართველოს თავდაცვის მინისტრმა ლევან იზორიამ პირველ ქართულ სამშვიდობო ოცეულს, რომელიც 17 წლის წინ, სწორედ ამ დღეს ჩაერთო კოსოვოს საერთაშორისო მისიაში.