კომპანია „არემჯიმ“ დადებული პირობა შეასრულა და ანსამბლს დარბაზი გაურემონტა, დაიგო იატაკი, შეიღება კედლები, გაკეთდა გოგონებისთვის ფორმების შესანახი ოთახი და ელექტროგაყვანილობა. კეთილმოწყობილი დარბაზი კომპანია „არემჯის“ წარმომადგენლებმა და კულტურის ცენტრის თანამშრომლებმა მოინახულეს. დაბა კაზრეთის №2 საჯარო სკოლის ბაზაზე არსებულ ამორტიზირებულ დარბაზში ანსამბლ „მადნეულს“ მრავალი წლის მანძილზე უწევდა ვარჯიში, დაზიანებუილი იატაკი მათთვის ძირითად პრობლემას წარმოადგერნდა. კომპანია ანსამბლს საჭიროებიდან გამომდინარე მუდამ მხარში უდგას, უკვე მეორე წელია „არემჯის“ დაფინანსებით „მადნეულში“ სწავლა უფასოა.