ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე სტუმრად საქართველოს საპატრიარქოს ტელევიზიის „ერთსულოვნება" შუადღის ეთერში. სახელმწიფო მინისტრმა საქართველოს ევროინტეგრაციის პროცესზე, კერძოდ, საქართველო ევროკავშირს შორის ასოცირების შესახებ შეთანხმების განხორციელების 2016 წლის სამოქმედო გეგმის შესრულების პირველი კვარტლის ანგარიშზე, ვიზალიბერალიზაციასთან დაკავშირებით ქვეყანაში არსებულ მოლოდინებსა და ნატოს ვარშავის სამიტთან დაკავშირებით მზადების პროცესზე ისაუბრა. გადაცემაში დავით ბაქრაძემ ასევე, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ინიციატივით გამოცემული ინგლისურენოვანი წიგნის „საქართველოს ევროპული გზები" წარადგინა, ესეების კრებულის მნიშვნელობაზე და ქართულ საზოგადოებასთან ევროპის პოლიტიკურ-კულტურულ და ესთეტიურ კავშირებზე ისაუბრა.