წინასწარი ინფორმაციით, ბუნებრივი აირის აფეთქების შედგად 7 წლის ბავშვი გარდაიცვალა. აფეთქება სიღნაღის მუნიციპალიტეტის სოფელ ბოდბეში, გვიან ღამით მოხდა. არსებული ინფორმაციით, ოჯახის დიასახლისს გაზქურაზე წყალი დარჩა დადგმული, რამაც ადუღების შედეგად გაზის ჩაქრობა და ოთახში ბუნებრივი აირის დაგროვება გამოიწვია. აფეთქება კი იმ დროს მოხდა, როდესაც ოთახში მცირეწლოვანი ბავშვი შევიდა. ადგილზე ყველა შესაბამისი სამსახური იყო მობილიზებული. როგორც "პირველ რადიოს" შსს-ში განუცხადეს, გამოძიება სსკ-ის 116-ე მუხლით მიმდინარეობს,რაც გაუფრთხილებლობით სიცოცხლის მოსპობას გულისხმობს. მოკვლევას სიღნაღის პოლიცია აწარმოებს.