ერთი გარდაცვლილი და ერთი დაჭრილი. ცოტა ხნის წინს აღმაშენებლის ხეივანში მკვლელობა მოხდა. თვითმხილველების თქმით, მეცხრე კილომეტრზე ბენზინგასამართ სადგურთან ხუთი გასროლის ხმა გაიგეს. მათივე ინფორმაციით, ბენზინგასამართი სადგურის მეპატრონე ძმებს ესროლეს. როგორც ადგილზე აცხადებენ, სროლას წინ შელაპარაკება უძღოდა. თვითმხილველების ინფორმაციით, პატრულის თანამშრომლებმა ურთიერთშელაპარაკების მონაწილე პირები ადგილზე დააკავეს. შემთხვევის ადგილზე იმყოფებოდა პროკურორი რევაზ ნადოი, გამოძიება 108-ე მუხლით მიმდინარეობს, რაც განზრახ მკვლელობას გულისხმობს.