პირველი ტაიმის დამატებულ წუთზე “დინამომ” ანგარიში მაინც გახსნა. თბილისელთა 14-მა, ლაშა პარუნაშვილმა თავური დარტყმით, დაახლოებით 7 მეტრიდან, მეტოქის კარი აიღო.

მე-2 ნახევარი იურაი იარაბეკის შეგირდებისთვის კარგად დაიწყო. 51-ე წუთზე “დინამოს” მცველის, ზაზა ჭელიძის აქტიურობას “ბატეს” კარში მე-2 გოლი მოჰყვა. ბელარუსელთა მცველმა ბურთი საკუთარ კარში ჩაჭრა.

ამის შემდეგ “დინამომ” ბურთზე კონტროლის დაწესება შეძლო და უპირატესობის გაზრდის კიდევ რამდენიმე მომენტი ჰქონდა, თუმცა ვეღარ მოახერხეს ბურთის გატანა. საბოლოოდ, თბილისურმა გუნდმა “ბატე” 2-0 დაამარცხა.