საქართველოს კომუნიკაციების ეროვნული კომისია ეხმიანება სოციალური ქსელის მეშვეობით „Iphone +“-ს მიერ გავრცელებულ ვიდეო რგოლს და აღნიშნავს, რომ გავრცელებული ვიდეო რგოლი, შინაარსის გათვალისწინებით შეიცავს „რეკლამის შესახებ“ საქართველოს კანონის შესაბამისად არაეთიკური რეკლამის ნიშნებს. მიუხედავად იმ გარემოებისა, რომ კომისია საქართველოს კანონმდებლობით მინიჭებული უფლებამოსილების ფარგლებში ზედამხედველობას და კონტროლს ახორციელებს მხოლოდ სამაუწყებლო რეკლამის სფეროში, კომისია მოუწოდებს “Iphone+”-ს ადმინისტრაციას, განსაკუთრებით ფრთხილად მოეკიდოს მსგავსი შინაარსის მატარებელი ვიდეო რგოლების (რეკლამის) გავრცელების საკითხს და ამავე დროს, სასურველია, უზრუნველყოს სოციალურ ქსელებში განთავსებული ვიდეო რგოლის გავრცელების შეზღუდვა.