შაბათს ეროვნულ-დემოკრატიული ინსტიტუტმა მორიგი კვლევა გამოაქვეყნა - შედეგები სასიამოვნო არცერთი პოლიტიკური პარტიისთვის არ ყოფილა თუმცა ყველაზე მტკივნეულად მაინც ხელისუფლებაში აღიქვეს. ნაციონალური მოძრაობის 1%-იანი უპირატესობა ქართული ოცნების კოალიციაში კვლავ კვლევის არასწორ მეთოდოლოგიას დააბრალეს თუმცა რეიტინგების გამოქვეყნების დღესვე ე.წ. კასრების ვიდეოების გამოქვეყნება მეტყველებს, რომ სოლოლაკის ქედზე პრობლემის შესახებ გაიგეს და ტრადიციული გზით უპასუხეს - თბილისობის დღესასწაული თბილისელებისთვის უცნაურად დასრულდა, კოლმეურნეობის მოედანზე ხელისუფლების მხარდამჭერმა ჯგუფებმა ჩვენება მოაწყვეს, სადაც წამების ამსახველი კადრები დიდ ეკრანზე გაუშვეს.