დღეს, ყველა ადამიანი განსაკუთრებული გამოცდის წინაშე დგას, განსაცდელის წინაშე. სად მიდის მისი გზა, ჩვენი ერისა და ჩვენი ქვეყნისა?! რა უნდა გავაკეთოთ იმისათვის, რომ ეს გზა იყოს ჭეშმარიტი და წმინდა. რა უნდა გავაკეთოთ იმისათვის რომ დავინახოთ და შევიგრძნოთ სიტყვები უფლისა: ,,მე ვარ გზა, ჭეშმარიტება და სიცოცხლე.
ჩვენ ეს ვიცით, მაგრამ ძალიან ხშირად ჩვენ არ ვდგავართ ამ გზაზე, არ მივდივართ ამ გზით. ჩვენ მივდივართ ფართო გზით, სადაც მრავალი ცოდვა და განსაცდელია. აი, ამიტომ ადამიანი ხშირად ეცემა სულიერად, მაგრამ ეს არ ნიშნავს იმას რომ ადამიანი დარჩეს დაცემული. მან უნდა მოიკრიბოს ძალა, რათა წამოდგეს, მაგრამ როდესაც მას აღარ აქვს ძალა , მან უნდა თხოვოს უფალს: მოდი ჩემთან, უფალო და უფალი მივა ადამიანთან.