სტივი სტარმა ამერიკულ ნიჭიერში ძალიან სახიფათო ნომერი შეასრულა. დაწყებამდე მან მაყურებელი გააფრთხილა, რომ მსგავსი ნომერი სახლში არავინ გაიმეოროს. სტარმა ჯერ პატარა პომიდორი შემდეგ კი ბასრი სამართებელი გადაყლაპა და ჟიურის წევრებს დაჰპირდა, რომ მუცელში პატარა პომიდორს იპოვნიდა და შუაზე გაჭრიდა. რამდენიმე წამში სტივმა სათითაოდ ამოიღო სამართებელი და შუაზე გაყოფილი პომიდორი. მისი მეორე ნომერი მონეტებზეა. ის ყლაპავს მონეტებს (მონეტებს ასოები აწერია და ჟიურის წევრი ამ ასოებს ფურცელზე თანმიმდევრობით წერს) და მუცელში ჩავარდნისას მონეტების ხმა ისმის. მან ჟიურის წევრებს სთხოვა ასოებიდან კონკრეტული სიტყვა შეედგინათ. სტარმა სიტყვა მონეტებით ააწყო და ისე ამოიღო მუცლიდან. ბოლოს კი დარჩენილი 1 მონეტა დამჭერის საშუალებით ამოიღო.