- საერთაშორისო გამჭვირვალობა - საქართველო პრემიებთან დაკავშირებით მორიგ კვლევას აქვეყნებს - 2012-2014 წლებში თვითმმართველობებში პრემიების სახით 100 მილიონ ლარზე მეტი გაიცა. თბილისის მერი კი ჟურნალისტებს ურჩევს პრემიებთან დაკავშირებით კითხვები ნაციონალურ მოძრაობას დაუსვან.

- სავალუტო ფონდის ანგარიშის მიხედვით, საქართველოს ეროვნულმა ბანკმა სწორი პოლიტიკა გაატარა. სავალუტო ფონდის მოხსენება ეკონომიკის მინისტრის მოადგილემ ირმა ქავთარაძემაც შეაფასა. ქავთარაძის თქმით საქართველოს და თურქეთის პოლიტიკა რეგიონში ყველაზე სწორი იყო.

- ბიუჯეტის სეკვესტრი - მომავალ კვირას ცნობილი გახდება, თუ რამდენით შემცირდება 2015 წლის ბიუჯეტი. საპარლამენტო უმცირესობაში აცხადებენ, რომ მთავრობა ბიუჯეტის ხარჯებს ვერ ელევა, რაც ქვეყნის ეკონომიკაზე უარყოფითად აისახება.

- ენმ-ის წევრები მერიას საატესტაციო გამოცდების გამჭვირვალედ ჩატარებისკენ მოუწოდებენ. საატესტატო გამოცდების ობიქტურობაში ეჭვი არ ეპარებათ საკრებულოს უმრავლესობის წევრებს

- შსს-ს რეფორმა - ცვლილებებთან დაკავშირებით პრეტენზიები აქვთ როგორც უმცირესობაში, ასევე უმრავლესობაში. რეფორმის შედეგად, სახელმწიფო უსაფრთხოების სამსახურში კონტრტერორისტული ცენტრი, კონტრდაზვერვის დეპარტამენტი, სახელმწიფო უსაფრთხოების სააგენტო ანტიკორუფციული სააგენტო, საინფორმაციო-ანალიტიკური, სპეციალური ოპერაციების დეპარტამენტები და ოპერატიულ-ტექნიკური დეპარტამენტი გაერთიანდებიან.