მელიქიშვილის ქუჩის 49 ნომერში მიტოვებული საცხოვრებელი სახლის მეორე სართული დაიწვა.
როგორც „ინფო9“-ს კორესპონდენტი შემთხვევის ადგილიდან იტყობინება, მეხანძრეებმა ცეცხლის ჩაქრობა მოახერხეს. ხანძარს მსხვერპლი არ მოჰყოლია.
აღნიშნულ შენობაში 4 წლის წინ უსახლკაროები დასახლდნენ, თუმცა რამდენიმე თვის წინ ამხანაგობა „მელიქიშვილის 49 ა“-ს თავმჯდომარემ სასამართლოს ნაბერთვის საფუძველზე,ისინი გამოასახლა და შენობის დემონტაჟი დაიწყო. უსახლკაროები შენობის წინ, კარვებში განთავსდნენ.

აღსანიშნავია, რომ შენობაში არ არის ელექტროენერგია, სადენები და ისეთი გაყვანილობები, რომელსაც შესაძლოა ხანძარი გამოეწვია. ამასთან, არ არსებობს მეორე სართულზე ასასვლელი კიბე.