- გავრცელებული ინფორმაციის თანახმად, ზურაბ ჯაფარიძე, პავლე კუბლაშვილი, გოგა ხაჩიძე და გიორგი მელაძე ერთიან ნაციონალურ მოძრაობას ტოვებენ. ამ ცნობას არც უარყოფენ და არც ადასტურებენ პარტიის სხვა წევრები. მათი თქმით, ამის შესახებ ოთხშაბათს გახდება ცნობილი.
- ეროვნული ბანკის პრეზიდენტმა საპარლამენტო კომიტეტებს გასული წლის ანგარიში წარუდგინა. გიორგი ქადაგიძე დეპუტატების წინაშე სიტყვით გამოვიდა, ამ დროისთვის კი დებატები მიმდინარეობს. დღესვე საკანონმდებლო ორგანოს წევრებს ბიუჯეტის შესრულების სამი თვის ანგარიში წარუდგინა ფინანსთა მინისტრის მოადგილემ.
- საკანონმდებლო ინიციატივა, რომელიც მიზნად ეროვნული ბანკის უფლებამოსილების შეკვეცას ისახავს და რომელსაც ეწინააღმდეგება პოლიტიკური ოპოზიცია, პრეზიდენტის ადმინისტრაცია, ეკონომისტების უმრავლესობა, ბიზნეს ასოციაციები და თავად ეროვნული ბანკის ხელმძღვანელობა - საფინანსო-საბიუჯეტო კომიტეტის ინიციატივა დღეს პარლამენტის ბიუროს წარუდგინეს.
- დღეს საოკუპაციო ხაზთან მიმდებარე სოფლებიდან კიდევ ორი ადამიანი გაიტაცეს. მსგავსი შემთხვევა გუშინაც მოხდა. საქართველოს ხელისუფლების წევრები იმედს ერგნეთის ოთმხრივ მოლაპარაკებებზე ამყარებენ.