ევროვიზია 2015-ის ქართველმა კონკურსანტმა ნახევარფინალურ ტურამდე ერთი დღით ადრე გენერალური რეპეტიცია გაიარა.

ნინა სუბლატი მაყურებლის წინაშე დღეს პირველ ნახევარფინალურ ტურში მე-16 ნომრად წარდგება სიმღერით Warrior.

პერფორმანსის მთავარი ელემენტია - ქართული გზავნილი ევროპას, მებრძოლი ქალის სახით.

რიგით მე-60 საიუბილეო კონკურსი ავსტრიის დედაქალაქ ვენის Wiener Stadthalle-ს სცენაზე ჩატარდება.

შოუს პირდაპირ ტრანსლაციას საზოგადოებრივი მაუწყებლის პირველი არხის მაყურებელი 23.00 საათზე ნახავს.