თურქული რომანტიკული კომედიის „სასურველი საქმროს“ პრემიერამდე, მთავარი როლის შემსრულებელმა, ცნობილმა თურქმა მსახიობმა მურატ ილდირიმმა კინოთეატრ „რუსთაველში“ პრესკონფერენცია გამართა.
მსახიობმა ფილმის შინაარსის გარდა, საქართველოსთან დაკავშირებული ისტორიაც გაიხსენა და აღნიშნა, რომ მას უკვე მეორე სამშობლოდ მიიჩნევს.
„სიყვარული და სასჯელი“ როდესაც გადაიცემოდა, მე შევხდი ქართველ 70 ქლის ქალს, რომელიც თურქულად მესაუბრა და მითხრა, რომ როდესაც ფილმში მე დედაჩემთან ურთიერთობა დამეძაბა, მას თავის შვილთანაც დაეძაბა ურთიერთობა, ჩემმა გმირმა კი შვილთან შეარიგა. მხოლოდ ამ ისტორიის გამო ღირდა ეს სერიალი“ - აღნიშნა ილდრიმმა.
თურქმა მსახიობმა პირობა დადო, რომ საქართველოში ვიზიტებს მომავალშიც გააგრძელებს. პრესკონფერენციის დასრულების შემდეგ, თაყვანისმცემლებს მასთან ფოტოების გადაღების საშუალებაც ჰქონდათ.
კინოთეატრ „რუსთაველში“ „სასურველი საქმროს“ პრემიერა დღეს 19:30 წუთზე გაიმართება, პრემიერას თავად ილდირიმიც დაესწრება.
ავტორები: ანა შანიძე, ეკა გაფრინდაშვილი, ეკატერინე ციცხვაია, გიგა ჩოკოლაშვილი