ატვირთვა
ავტორიზაცია რეგისტრაცია
1 849 288
ნახვა
271
ხელმომწერი
4 761
ვიდეო

ეკონომიკური ბლოკის მინისტრებმა სამთავრობო პროგრამა წარადგინეს

გაზიარება
მაისი 8, 2015
80
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

პარლამენტში მთავრობის ეკონომიკურ გუნდს ხუთი კომიტეტის გაერთიანებულ სხდომაზე მოუსმინეს. საკომიტეტო მოსმენა კითხვებისთვის გამოყოფილი მცირე დროის გამო ერთიანმა ნაციონალურმა მოძრაობამ დატოვა. სიტყვით გამოსვლის დროს ეკონომიკის მინისტრმა გიორგი კვირიკაშვილმა განაცხადა, რომ ლარის გაუფასურება ფულადი გზავნილებისა და ექსპორტის შემცირებამ გამოიწვია, თუმცა მინისტრს ლარის გაუფასურების კიდევ ერთ მიზეზზე, ტურიზმის შემცირებაზე, არაფერი უთქვამს. უმრავლესობის დეპუტატებმა საქართველოს ფინანსთა მინისტრის პროგრამაც მოისმინეს. ნოდარ ხადურის თქმით, საქართველოს დსთ-ს ქვეყნებში მესამე ყველაზე მაღალი ეკონომიკური ზრდა ჰქონდა. ფინანსთა მინისტრის მტკიცებით, ბიუჯეტი გეგმის გადაჭარბებით სრულდება. ხადურმა მთავრობის სხდომაზე გაცხადებული ხარჯების შემცირების გეგმაზეც ისაუბრა, ხადურის თქმით სამინისტროების მიერ დაზოგილი 20 მილიონი ლარი ინფრასტრუქტურის განვითარებას ხმარდება. საკუთარი პროგრამა ინფრატსრუქტურის მინისტრმა ნოდარ ჯავახიშვილმაც წარადგინა. ჯავახიშვილმა დღესაც თქვა, რომ მის სამინისტროში სისტემური ხასიათის პრობლემები იყო. ჯავახშვილის თქმით კორუფციული რისკების შემცირებისთვის სახელმწიფოს მიერ კუთვნილი სამშენებლო კომპანიების პრივატიზაციის პერსპექტივები განიხილება. ჯავახიშვილმა ინფრასტრუქტურულ პროექტებზეც ისაუბრა, მისი თქმით სახელმწიფომ ზოგიერთი მაგისტრალის გამოყენებისთვის სპეციალური გადასახადებიც უნდა დააწესოს.მოსმენის შემდეგ მინისტრებმა უმცირესობის სხდომაზე გადაინაცვლეს.

მაჩვენე მეტი