შეფასებისა და გამოცდების ეროვნულ ცენტრში ორგანიზაცია „მოქალაქის“ კონკურსის „სტუდენტები თვითმართველობისათვის“ მესამე ეტაპის მონაწილეებთან შეხვედრა გაიმართა.
სტუდენტებთან შეხვედრას ყოფილი პრემიერ-მინისტრი, ორგანიზაცია „მოქალაქის“ დამფუძნებელი ბიძინა ივანიშვილი ესწრებოდა.
შეხვედრაზე სტუდენტებმა კონცეპტუალური დოკუმენტი - მინუციპალიტეტის განვითარების ხედვა წარმოადგინეს და ივანიშვილს სხვადასხვა მუნიციპალიტეტში არსებულ ვითარებაზე ესაუბრნენ.
ივანიშვილმა სტუდენტებს საქართველოს ეკონომიკაზე ესაუბრა და აღნიშნა, რომ ეკონომიკა ძალიან დაბალ დონეზე დგას.
„ეკონომიკა ძალიან სუსტი და ძალიან დაბალ დონეზე გვაქვს. თქვენს ინტელექტს, თქვენს განვითარებას ასეთი ეკონომიკა უკვე აღარ ეკადრება“, - მიმართა ივანიშვილმა სტუდენტებს.
მისი თქმით, 2015 წელი ეკონომიკისთვის ძალიან მძიმე აღმოჩნდა.
კონკურსში „სტუდენტები თვითმართველობისათვის“ შესარჩევ ეტაპზე 53 გამარჯვებული გუნდი გამოვლინდა. გუნდებმა სპეციალური ტრენინგები გაიარეს თვითმართველობის საკითხებსა და კვლევის მეთოდოლოგიაში.
©INFO9.GE