ვარკეთილის მუნიციპალიტეტის გამგეობის თანამშრომელი, ყოფილი პოლიციელი ლაშა ცანავა 18 წლის გიორგი ჩითარიშვილს ოთხ ადამიანთან ერთად გამეტებით სცემს.

როგორც მან ტელეკომპანია „იმედის“ გადაცემა „რეაქციაში“ განაცხადა, აღნიშნული ფაქტის დამადასტურებელ ფოტომასალას, გადაცემის მსვლელობისას, თავად დაზარალებული ჩითარიშვილი მიიტანს.

მისი თქმით, ლაშა ცანავა 2009 წლის 15 ივნისს, პოლიციის მთავარ სამმართველოსთან დარბევასა და გიორგი ჩითარიშვილის ცემაში მონაწილეობდა.

„თუ ფოტომონტაჟია, შეგიძლიათ გვიჩივლოთ. ამ ფოტომასალაზე ყველაფერი კარგად ჩანს. ცოტა ხანში გიორგი ჩითარიშვილი მოვა და ფოტომასალას მოიტანს, სადაც ოთხ ადამიანთან ერთად, 18 წლის მოზარდს სცემ. ნაცემ ახალგაზრდას დღემდე ვმკურნალობთ“, - მიმართა კორძაიამ ლაშა ცანავას.

მისივე თქმით, ცანავას 15 ივნისის დარბევის გამო, გამოძიებასთან თანამშრომლობა მოუწევს.
#რეაქცია