სვეტიცხოვლის საკათედრო ტაძარში სააღდგომო ლიტურგია სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ აღავლინა.
სვეტიცხოველში, საქართველოს სხვადასხვა კუთხიდან ჩამოსულ მოქალაქეებთან ერთად, პრეზიდენტი გიორგი მარგველაშვილი, პრემიერ-მინისტრი ირაკლი ღარიბაშვილი, მთავრობის წარმომადგენლები, აშშ-ის ელჩი საქართველოში რიჩარდ ნორლანდი და სხვა ოფიციალური პირებიც იმყოფებოდნენ.
ტაძარში პატრიაქის სააღდგომო ეპოსტოლე წაიკითხეს. სვეტიცხოველში იერუსალიმიდან ჩამოტანილი ზეციური ცეცხლიც მიაბრძანეს, საიდანაც, მთელ საქართველოში პატრიარქის ლოცვა-კურთხევით გავრცელდება.
მორწმუნე ერმა სვეტიცხოვლის ეზოშივე გაიხსნილა დიდმარხვა, სადაც ტრაპეზი გაიმართა.
სააღდგომო წირვის სვეტიცხოველში ჩატარების გადაწყვეტილების შესახებ უწმინდესმა 22 მარტს, საკვირაო ქადაგებისას განაცხადა. „მივიღე ასეთი გადაწყვეტილება: ამიერიდან, ყოველწლიურად, ქრისტეს აღდგომის ბრწყინვალე დღესასწაულზე მადლობას შევწირავთ უფალს მისი დიდი წყალობისათვის, შესრულდება სამადლობელი პარაკლისი და საგანგებო ლოცვა ღვთისადმი. წელს ეს ლოცვა განსაკუთრებულად უნდა აღევლინოს, ამიტომ გადავწყვიტეთ, აღდგომის წირვა სვეტიცხოველში ჩავატაროთ. შაბათს საღამოს დაიწყება მსვლელობა მცხეთისკენ. სასურველია, რომ მომლოცველები თბილისიდან მცხეთაში ფეხით ჩავიდნენ. დაიკვლება ერთი დიდი მოზვერი, 7 ცხვარი, ყოჩი და მადლობას შევწირავთ უფალს. მორწმუნე ერი იქვე გაიხსნილებს დიდმარხვას“, - ბრძანა ილია მეორემ.
ავტორი:
გოგა ბერიძე
©INFO9.GE