მარტი 19, 2015
705
თბილისში, პარლამენტის შენობასთან „სრულიად საქართველოს სახალხო დარბაზისა“ და „ყველა თაობა საქართველოს“ აქცია გაიმართა, სადაც ფილმი „სააკაშვილის რეჟიმის სისხლიანი ქრონიკა“ დიდ ეკრანზე აჩვენეს.
პარლამენტის წინ შეკრებილები სააკაშვილის რეჟიმს აპროტესტებენ და „ნაციონალური მოძრაობისგან“ ხალხისთვის ბოდიშის მოხდას ითხოვდნენ.
ფილმის ჩვენებაზე რამდენიმე ადამიანი მცირეწლოვანი ბავშვით მივიდა. ჟურნალისტების კითხვაზე, რატომ მიიყვანეს მშობელმა მცირეწლოვანი შვილები ფილმის ჩვენებაზე, ისინი აცხადებდნენ, რომ საკუთარ შვილებს სადაც უნდა, იქ წაიყვანენ და თანაც, მომავალმა თაობამ უნდა ნახოს, როგორი სისხლიანი რეჟიმი მართავდა საქართველოს.
ავტორები: ლიკა მეგუთნიშვილი, ანა შანიძე, გიგა ჩოკოლაშვილი
© INFO9.GE
მაჩვენე მეტი