■ „ნაციონალური მოძრაობის“ წევრი ნუგზარ წიკლაური ახალგაზრდული ორგანიზაცია „თავისუფალი თაობის“ ხელმძღვანელის, ლადო სადღობელაშვილის და საგამოძიებო ნაწილის უფროს ზუზაძის საუბრის ჩანაწერს ავრცელებს.
როგორც წიკლაური აცხადებს, ხელისუფლების მიერ ორგანიზებული ბანდები, მათ შორის, გამგებლები, გუბერნატორები, საკრებულოს წევრები თავს ოპოზიციური პარტიების ოფისებს ესხმიან.
წიკლაურის თქმით, ჩანაწერში ჩანს, რომ საპატრულო პოლიცია ექსტრემისტული ჯგუფების წახალისებაშია ჩართული. ჩანაწერი მაშინაა გაკეთებული, როდესაც სადღობელაშვილი დაკავებული იყო.
ამასთან, წიკლაურის ინფორმაციით, საგამოძიებო ნაწილის უფროს ზუზაძესთან სადღობელაშვილი ჩივის, რომ რამდენიმე პარკი, რომელიც „ნაციონალების“ ოფისს ესროლა, არ გასკდა და ზუზაძე მას ურჩევს, რომ მომავალში უფრო თხელი პარკები შეიძინოს.