■ ვიდეო, რომელიც რამდენიმე წლის წინ გავრცელდა დღემდე აქტუალურობას არ კარგავს - როგორც სათაურიდან ვკითხულობთ, ადამიანების 90% მისი ნახვის შემდეგ ტირის.
„დედაჩემი ყველაფერია, რაც გამაჩნია. როცა ვიზრდებოდი, ვხედავდი, რომ ყოველთვის დაკავებული იყო. ერთადერთი მაშინ ვხედავდი, როცა საჭმელს მივირთმევდით. ბრინჯი კიდევ გინდა? - მეკითხებოდა დედა. როგორი დაკავებულიც არ უნდა ყოფილიყო, ჩემთან ერთად სადილობას ყოველთვის ახერხებდა. როცა წამოვიზარდე, დროთა განმავლობაში სულ უფრო და უფრო ნაკლებად ვხედავდი. ახალი წლისთვის სახლში მოხვალ? - დამირეკა დედამ.

ვუთხარი, რომ დაკავებული ვარ და მოგვიანებით დაველაპარაკებოდი. ახლა გავაცნობიერე, თუ რატომ მეკითხებოდა ყოველთვის „ბრინჯი კიდევ გინდა?“. იმიტომ, რომ რაც უფრო მეტს მივირთმევდი, მეტი დრო რჩებოდა იმისთვის, რომ ჩემთან ერთად ყოფილიყო.

ცხოვრებაში ერთ-ერთი საუკეთესო საჩუქარი არის ის დრო, რომელიც ოჯახს დაუთმე“, - მსგავსი ტექსტი ერთვის ვიდეოს.