■ რუსთაველის 37-ში ხანძარი მოხდა. ე.წ. აზარიანცის სახლის დიდი ნაწილი ცეცხლმა გაანადგურა. დამწვარია 300 კვადრატული მეტრის ფართობი. ხანძრის დროს შენობაში ერთი ოჯახი იმყოფებოდა, რომლის ევაკუაციაც დროულად განხორციელდა.
შენობის სახურავი და რამდენიმე სართული დამწვარია. განადგურდა ხელოვნების სკოლაც, რომელიც შენობის მესამე სართულზე მდებარეობდა. ინციდენტის შედეგად დაზარალდნენ ასევე ნაგებობის პირველ სართულზე მდებარე კომერციული ფართების მეპატრონეებიც.
ადგილობრივების თქმით, ხანძარი შენობას ეზოში სანაგვე ურნებთან დანთებული ცეცხლისგან გადაედო, მიმდინარეობს გამოძიება.
ადგილზე საგანგებო სიტუაციათა სამსახურის 16 ბრიგადასთან ერთად საპატრულო პოლიციაც მუშაობდა.
მთაწმინდის რაიონის გამგებელი მოსახლეობას დახმარებას დაპირდა.