■ საქართველოს პრემიერ-მინისტრის ირაკლი ღარიბაშვილის თქმით, ქართველი ხალხი ფრანგი ხალხის გვერდით დგას. ამის შესახებ პრემიერმა პარიზში დაღუპულთა ხსოვნის პატივსაცემად მშვიდობიან მსვლელობაში მონაწილეობის შემდეგ განაცხადა.
მისი თქმით, ასეთ შემთხვევებში ერთიანობა საუკეთესო გამოსავალია.
„ეს იყო უპრეცედენტო მოვლენა, ამ ტრაგედიამ გააერთიანა მთელი მსოფლიო. ჩვენ ჩამოვედით იმისთვის, რომ მხარდაჭერა გამოგვეხატა ფრანგი ხალხის და საფრანგეთის მიმართ. საფრანგეთი ჩვენი მეგობარი ქცვეყანაა. კარგად გვახსოვს, თუ როგორი მხარდაჭერა გამოიჩინა ფრანგმა ხალხმა და საფრანგეთის მაშინდელმა ლიდერებმა აგვისტოს ომის დროს. ქართველი ხალხი ფრანგი ხალხის გვერდით დგას. ამ პრობლემას გაერთიანება სჭირდება. ერთიანობა საუკეთესო გამოსავალია ასეთ შემთხვევებში“,- განაცხადა ირაკლი ღარიბაშვილმა.
პარიზში დაღუპულთა ხსოვნის პატივსაცემად, მსოფლიოს 40-ზე მეტი ქვეყნის ლიდერმა, მშვიდობიან მსვლელობაში მიიღო მონაწილეობა.