■ სათნოების სახლ „კათარზისში“ წლის სუპერ ბებია და ბაბუა გამოავლინეს. „სუპერ ბებია 2015“ 76 წლის ნანული პაპიაშვილი, ხოლო „სუპერ ბაბუა 2015“ 82 წლის ზურაბ გოგიშვილი გახდნენ. გამარჯვებულები სპეციალურმა ჟიურიმ გამოავლინა.

სუპერ ბებია და ბაბუა 500-500 ლარითა და ტკბილეულით დაჯილდოვდნენ.

კონკურსის მონაწილეებმა მუსიკალური და საცეკვაო ნომრები შეასრულეს. კონკურსში 70 წელს გადაცილებული 23 მოხუცი მონაწილეობდა, როგორც „კათარზისის“ ასევე, საქართველოს რეგიონებში განთავსებული სათნოების სახლებიდან.

საღამოს მსახიობი ნანული სარაჯიშვილი უძღვებოდა.

აღნიშნული კონკურსი 2005 წლიდან ტარდება.