ამერიკაში, არიზონის შტატის ერთ-ერთ რესტორანში წყვილმა, სადილში 330 დოლარის გადახდის შემდეგ, მომსახურე პერსონალს დამატებით 1000 დოლარი დაუტოვა.

შემდეგ წყვილი რესტორანში შეყოვნდა, დაახლოებით 90 დოლარის ღირებულების სასმელი შეიძინა და პერსონალს დამატებით 10 000 დოლარი დაუტოვა.

ეს ფოტო მოგვიანებით წყვილმა „ინსტაგრამზე“ განათავსა. კომენტარებში მამაკაცმა დაწერა, რომ ეს არის „საჩუქარი იესო ქრისტესაგან“.

რესტორნის თანამშრომლებმა დატოვებული თანხა ერთმანეთში გადაინაწილეს.