■ სასწაულების, ოცნებების ახდენის დრო - ასეთია ბევრისთვის ახალი წელი. წელიწადის ყველაზე მნიშველოვანი დღესასწაულისთვის მზადებას ხშირად რამდენიმე კვირით ადრე ვიწყებთ. ყოველი ახალი წელი თავისი ახალი სიმბოლოთი მოდის. 2015 წელი მწვანე თხის წელიწადია. რას გვკარანახობენ ვარსკვლავები და როგორ უნდა შევხვდეთ მომავალ წელიწადს.
მთავარი პრინციპი, რის მიხედვითაც უნდა ავარჩიოთ ტანსაცმელი ეს არის ნატურალი ქსოვილი. ფერებიდან უპირატესობა თეთრს, ნაცრისფერს, მწვანეს ან ლურჯს მიანიჭეთ.
არ დაგავიწყდეთ მაკიაჟის გაკეთება, თმის ვარცხნოლობის არჩევისას უპირატესობა დახვეულ თმას მიანიჭეთ.
ნაძვის ხის მორთვისას მთავარია ზომიერების დაცვა. ხის სათამაშოებით გაწყობილი სადა ნაძვის ხე, თხის ფავორიტია.
სუფრა - ახალი წლის საღამოს ერთ-ერთი მნიშვნელოვანი ნაწილია. ეცადეთ, თქვენს საახალწლო სუფრაზე დიდი რაოდენობით მწვანილი მოხვდეს. არ დაგავიწყდეთ ხილი, რძის ნაწარმისგან დამზადებული ტკბილეული, ნუ გადატვირთავთ სუფრას მძიმე და ცხიმიანი საკვებით.
საახალწლო სუფრაზე სასმელი წითელი ფერის უნდა იყოს. უპირატესობა ღვინოს და კენკნროვანი ხილისგან დამზადებულ წვენს მიანიჭეთ.
თხის სტიქია ხეა - ჩიჩილაკი, ხის თხა და მწავანე ხელსახოცები 2015წლის საახალწოს სუფრის მნიშვნელოვანი ატრიბუტებია.
ასტროლოგები მომავალი თხის წელიწადის დახვედრას რამდენიმე რიტუალით გვირჩევენ. ახალი წლის დადგომადე ნახევარი საათით ადრე, გოგრის თესლი სამზარეულოს სხვადასხვა კუთხეში მოაბნიეთ, ეს რიტუალი თქვენი ოჯახისთვის ბარაქის მომტანი იქნება. ახალი წლის დადგომამდე აანთეთ სამი მწვანე სანთელი, 12 საათზე სურვილი ჩაიფიქრეთ და ჩააქრეთ.
საჩუქრები საახალწლო დღესასწაულის შემადგენელი ნაწილია. 2015 წლის დადგომა თქვენს ახლობლებს საიუველირო ნაწარმით ან ხის ბიჟუტერიით მიულოცეთ. მამაკაცებისთვის რეკომენდებულია ქამრის ან ქუდის ჩუქება.
თხა წყნარი, მორცხვი და მშვიდია. ვარსკვლავების რჩევით, სახლში, ახლობლების წრეში ახალი წლის გატარება საუკეთესო არჩევანია.
ავტორები: ეკა მელიქიძე, ნინო ჭანია, ელენე ცინცაძე, გიორგი ხაჩიძე