■ რუსთაველზე, პარლამენტის შენობის წინ დედაქალაქის მთავარი ნაძვის ხე აინთო. 25 მეტრიანი ნაძვის ხე საზეიმო ვითარებაში თბილისის მერმა დავით ნარმანიამ თოვლის ბაბუასთან და ბავშვებთან ერთად აანთო.
პარლამენტის წინ შეკრებილ ბავშვებსა და მშობლებს დავით ნარმანიამ და თოვლის ბაბუამ დამდეგი შობა-ახალი წელი მიულოცა.
ღონისძიებას თბილისის მერთან ერთად საკრებულოს თავმჯდომარე გიორგი ალიბეგაშვილიც ესწრებოდა.
დღეიდან, თბილისში კულტურულ-გასართობი ღონისძიებები დაიწყება, თოვლის ბაბუა ხვალ ბოტანიკურ ბაღს ეწვევა. საახალწლო ღონისძიებები თბილისში 7 იანვრამდე გაგრძელდება.