მთავრობას რიკოთის მონაკვეთზე ჩქაროსნული ავტომაგისტრალის მშენებლობა, შესაძლოა, მილიარდი დოლარი დაუჯდეს. ინფრასტრუქტურის სამინისტროს ინფორმაციით, პროექტის ტექნიკურ-ეკონომიკური კვლევის შედეგები გაზაფხულზე გახდება ცნობილი. როგორც ინფრასტრუქტურის მინისტრის პირველი მოადგილე, გიორგი ამაშუკელი აცხადებს, აღნიშნულმა კვლევამ რიკოთის ალტერნატიული ვარიანტი უნდა განსაზღვროს. წინასწარი ინფორმაციით, რიკოთზე რამდენიმე გვირაბისა და ხიდის მშენებლობა იქნება საჭირო, რაც პროექტის ღირებულების მაღალ მაჩვენებელს დააფიქსირებს.